讲起四海一家，相信唔少人对佢都好熟悉，唔使我多介绍。

自助餐一向都喺阿叔呢种大胃王嘅最爱，任食嘅感觉真喺好爽。

以前阿叔细细个第一次跟阿妈嚟食，真喺觉得超正，乜都有得食，三文鱼任摞，食到停唔到落嚟，加上以前经济条件唔好，要食一餐上百嘅自助餐真喺唔容易。

到后来同朋友同学断断续续都食过几次，感觉出品越嚟越差，对上一次嚟比我嘅感觉喺唔会再做回头客。

都有一段好长嘅时间无嚟过四海，如果唔喺公司组织，我个人基本都唔会过嚟。

今次喺跟组织过嚟组团开餐，嚟嘅时候发现有唔少人都喺组团过嚟，有公司团有老人团等等，感觉组团好似优惠唔少，但具体几钱我就唔喺好知。所以今次就算唔喺周末，感觉都几多人下。

点评上有团购，中午133/人，晚上155/人。

十一点半开始入场，好快就安排好我地嘅座位，环境方面同以前差唔多，变化唔大。由于比较肚饿所以未座低就直接去摞野食。

今次都几好彩，比较早入场，一开始人唔算太多，去到自助餐区发现好多野比以前都进步咗唔少，每样嘢卖相都相当吸引。

串烧

天妇罗

蛋挞番薯

咖喱

烧腊

烧腊方面都算中规中矩，d鸡肉鸭肉唔算特别靓，志在食个味。

海鲜

海鲜方面摞咗唔少一时之间叫唔出喺乜但喺又好爽口嘅野，点下豉油食都几清甜下，另外仲有虾花螺青口等等，虾就唔错，不过青口太细粒，而且食落口口感比较粉。

鱼生

顺德鱼生好鲜甜好爽口，相比之下三文鱼就无甘鲜，不过都几香，另外想讲下d芥末真喺好辣，唔好落太多。

铁板烧

扒类方面我见好多时都喺煎鱼煎鸡扒，呢两样唔喺好大兴趣所以无摞，好唔容易比我偶遇到牛扒，整咗块试下，都几有牛肉味，不过老咗d。

烧烤

烧烤方面试咗个烤肉烤鱼同生蚝。烤肉唔错，食起身几香口。烤鱼就麻麻地，个名同个卖相都好劲下，叫咩亚马逊鱼皇，好大条，但喺食起身口感比较老，而且无鱼鲜甜嘅味道。烤生蚝就唔喺好掂，虽然d生蚝个头都唔细，但喺食起身味道苦苦涩涩甘。

寿司

甜品

小丸子/葱油饼

炖汤

墨西哥卷饼

凉粉

粉面

热菜

鲍汁系列

鱼翅捞饭

饮品

大概到中午十二点多d嘅时间人就开始多，d人开始疯狂抢野食，三文鱼生蚝都基本大排长龙，不过四海方面食物补给速度都算ok。

D人喺咁抢，睇呢个阿叔抢得几开心。

个人建议食排队嘅野最好避开中间果段高峰期，到后面就基本唔洗排队，而且货源充足根本唔洗担心会摞晒。

哈根达斯

长毛叔叔都喺呢度唱咗好多年。

吃尽盘中餐，避免浪费，食几多摞几多。

总体感觉对四海印象分比起以前提高咗唔少，出品虽然唔算话好精致，但喺都唔会太差。

END，喜欢就分享给身边朋友吧~

大众点评广州社区精选，发现最接地气最有意思的吃喝玩乐去处！

选文：承石小编  笔者